MILESTONES Romane Siklipengo Programo

Romani Studies Program (RSP) Vrema/Vaxt

O Romani Studies Program ando CEU maj but sar desh bersha shaj rakhen. Ando bersh 2004 e univerziteta kerdas jekh programo o Roma Acces Program (Resipe Programo Romenge) (RAP) te zhutinel le Romane studentenge te keren tranzicia kathar o BA niveli ko Englikano siklipe. Ando bersh 2011 pasha o RAP kerde o RELP, o Roma English Language Program (Englikani Chibako Programo Romenge). Ando bersh 2012 o RAP programo parudas o nav po RGPP, Roma Graduate Preparation Program (Programo pala e Preparacia pe Diploma le Romenge). Kado programo zhi ko bersh 2017 Juli sar Roma Access Programs akharde.

O CEU but pinzhardo si ande edukacia, dzhantrikano rodipe thaj profesionalne shaipe del le Romenge, anda kadi o Roma Access Program po CEU jekh paruvipe kerdas thaj kathar o 2017 Augusto 1, Romani Studies Program si pe univerziteta. O RSP jekh njevo kotor si po CEU, ande soste si o Roma Graduate Preparation Program (RGPP) thaj o Roma in European Societies (Roma ande Europikane Societeti) (RES). O RSP pe akademikalno siklipe thaj dzhantrikano rodipe del shaipe.

Programo pala e Preparacia pe Diploma le Romenge:

Ande palune 12 bersha ando RGPP 188 Roma siklile (ande soste vi kadal bersheske studentura andre si) andar soste 169 line pengi diploma po agor. Maj but sar 70 procento, 108 studenten line po MA thaj PhD niveli lovikani zhutipesa, so barardas le Romengo numero kon MA diploma resen ande Europa. Ande kadala informacii naj le Roma studentura (minimum 10) kon direktnes po CEU line te siklon. Pasha kadi, o CEU 7 Roma PhD studenten las thaj 3 PhD pursak Romane studentura xuterde. But (d)zhanipe keren amare siklara thaj studenti sako bersh.

Englikani Chibako Programo Romenge:

O RELP manglas te zhutinel terne Romen te lasharen pengi Englikani chib ande pengi profesionalno butji. Panzh bersha, mashkar o 2011-2016, ando RELP 85 studentura siklonas thaj anda lende 83 resle e graduacia. Le maj bute studentura (d)zhanas maj dur te siklon ando RGPP. Ando akademikalno bersh 2016-2017 e butji ando RELP ando RGPP kerenas maj dur.

RES- Roma ande Europikane Societeti:

Ando bersh 2016 Marco, o CEU jekh njevipe kerdas kaj le Roma sas ando fokusi, so o Roma ande Europikane Societeti (RES) sas. Le instituti kon zhutinen o projekto tala 6 bersha: Velux Foundations, Open Society Foundations’ Roma Initiatives Office (RIO) thaj Roma Education Fund (REF). O projekto mangel te zhutinel pe opruni shkolako niveli, mangel te lasharel le Romengi situacia pe lokalno, nacionalno thaj regionalno niveli, perdal edukacia, dzhantrikano rodipe, lasharipe ando leadership, profesionalno treningo thaj te resen e komuniteta.

Programo pala e Certifikacia po baro niveli ande Romane Siklipe:

Ando bersh 2021, o New York State Education Department das e registracia pe Certifikacia po baro niveli ande Romane Siklipe. Le kurzura kodola studenti shaj resen kon po Master vaj PhD niveli siklon thaj ando bersh 2021 tomna len te siklon pe univerziteta. O programo mangel te del le studenten teoretikalno, metodologikalno thaj analitikalno (d)zhanipe, te hatjaren/haljuven e Romengi historikalno thaj akanikutni situacia ande Europa thaj te keren promocia pala e socialno paruvipe ande societeta.