Programo pala e Preparacia pe Diploma le Romenge

O Roma Graduate Preparation Program (RGPP) jekh intenzivo programo si so perdal 10 shona zhutinel le Romane studenten ande socialne thaj manushikane siklipe te resen o master niveli pe manshkarthemutne univerziteti.

Pala o Programo

O RGPP zhutinel le studenten ande siklipe so von alosaren, intenzivo tutoring den len ande Ekonomia, Gender Siklipe, Historia, Internacionalne Relacii thaj Europikane Siklipe, Hakaj/Manushikane Hakaja, Nacionalizmo, Politikalno Siklipe, Publikalne Hakaja thaj Publikalne Administracia, Sociologia, Socialno Antropologia thaj Nacionalne Siklipe (inke maj but siklipe shaj alosaren).

O programo lasharel lenge Englikani chib so po MA niveli si te labjaren. Ando programo xutren intenzivo chibako treningo, akademikalno iskiripe/pishipe, kritikalno gindisaripe thaj zhutipe ko siklipe.

Ando programo le studenti lashi eksperiencia dikhen pala le programura ando CEU, ke shaj dikhen/keren auditing po CEU master klassura.

Le studenten shaipe si te (d)zhan pe kritikalno vakeripe kaj le Romengi situacia dikhen perdal politikalno, ekonomikalno thaj socialno kondicii thaj vakeren vi pala e historia thaj e identiteta le Romengi ande regia.

Le programeske datura

O RGPP akademikalno bersh kathar o Septemberi zhi ko Juni shonesko mashkar (d)zhal. Kado jekh “full-time” programo si, ke le studenti sa o semestero ande Budapeshta si te ashen.

Financialno Zhutipe

Sa le studenti xutren love vash o siklipe sa ande programeski perioda. Ando financialno zhutipe si o dromipe kathar e Budapeshta, thaj pale, love ko siklipe, beshipe ando CEU Residence Center, xutren sastipesko inshuranso, siklipeske butja thaj love ko zhivipe.

Dikh amen po Facebook!